लॉस एंजेलिस येथे 66 व्या ग्रॅमी पुरस्काराची घोषणा करण्यात आली. प्रसिद्ध तबलावादक झाकिर हुसेन आणि संगीतकार आणि गायक शंकर महादेवन यांच्या ‘शक्ती’ बँडने या वर्षीच्याच्या ग्रॅमी पुरस्कारावर नाव कोरले.

● ‘शक्ती’च्या ‘धिस मोमेंट’ या गाण्यांच्या अल्बमला सर्वोत्कृष्ट जागतिक संगीत अल्बमचा पुरस्कार मिळाला.
● याशिवाय बासरीवादक राकेश चौरसिया यांनाही ‘ग्रॅमी’ने सन्मानित करण्यात आले. एकूण पाच भारतीय कलाकारांची छाप या सोहळ्यावर उमटली.
● संगीतातील सर्वोच्च 66 व्या ग्रॅमी पुरस्कारांचे वितरण लॉस एंजेलिसमधील क्रिप्टो डॉट कॉम एरिना येथे झाले.
● झाकीर हुसेन, शंकर महादेव, ज्येष्ठ गिटारवादक जॉन मॅकलॉलिन, तालवाद्यवादक व्ही. सेल्वागणेश आणि व्हायोलिनवादक गणेश राजगोपालन अशा दिग्गज कलावंतांनी धिस मोमेंट’ या अल्बमची निर्मिती केली आहे.
● ‘सर्वोत्कृष्ट जागतिक संगीत अल्बम’ या गटामध्ये ‘शक्ती’चे बाजी मारली.
● शंकर महादेवन आणि त्यांचे सहकारी ग्रॅमी पुरस्कार वितरण सोहळ्याला उपस्थित होते.
● या गटात सुसाना ब्राका, बोंकाटे, बर्ना बॉय आणि डेव्हिडो या कलाकारांना नामांकन मिळाले होते.

झाकिर हुसेन यांचा तिहेरी गौरव
● ग्रॅमी पुरस्कारांमध्ये झाकिर हुसेन यांना तीन पुरस्कार मिळाले आहेत, तर ज्येष्ठ बासरीवादक हरिप्रसाद चौरसिया यांचे पुतणे राकेश चौरसिया यांना दुहेरी यश मिळाले आहे.
● या दोघांच्या एकत्रित ‘पश्तो’ या गाण्यासाठी सर्वोत्तम जागतिक संगीत सादरीकरणासाठी गौरविण्यात आले, तसेच ‘अॅज वुई स्पिक’लाही ‘सर्वोत्कृष्ट समकालीन वाद्य अल्बम’ या गटात पुरस्कार मिळाला आहे.
● या दोन्ही गाण्यांमध्ये त्यांच्यासह एडगर मेयेर, बेला फ्लेक यांचा सहभाग आहे.
● हुसेन यांनी 1991,1996 आणि 2008 या वर्षी ग्रॅमी पुरस्कार जिंकले आहेत.
● पहिला पुरस्कार : 4 मे 1959