70 च्या दशकात विनोदी अभिनयाने प्रेक्षकांचे मनोरंजन करणारे प्रसिद्ध अभिनेते ज्युनिअर मेहमूद यांचे वयाच्या 67 व्या वर्षी कर्करोगाने निधन झाले. हसतमुख व्यक्तिमत्व असलेल्या ज्युनियर मेहमूद यांना दोन महिन्यापूर्वी पोटाचा कर्करोग असल्याचे निदान झाले होते. कर्करोग चौथ्या टप्प्यात असल्याने त्यांची प्रकृती ढासळत गेली.

अभिनेते ज्युनिअर मेहमूद
● वयाच्या 9 व्या वर्षापासून ज्युनिअर मेहमूद यांनी बालकलाकार म्हणून अभिनय कारकीर्दीची सुरुवात केली होती.
● ज्युनिअर मेहमूद यांचे खरे नाव नईम सय्यद असे होते.
● 1966 मधील ‘मोहब्बत जिंदगी है’ हा त्यांचा पहिला चित्रपट होता.
● त्यानंतर 1967 मध्ये’ नौनिहाल’ मध्ये त्यांनी काम केले आणि 1968 नंतर त्यांनी कधी मागे वळून पाहिलेच नाही.
● वासना, संघर्ष ,सुहाग रात ,परिवार, फरीस्ता व ब्रह्मचारी हे सलग सहा चित्रपट तुफान गाजले.
● ब्रह्मचारी चित्रपटात त्यांनी केलेली भूमिका अवस्मरणीय ठरली.
● आपल्या चित्रपट कारकीर्दीत त्यांनी 265 चित्रपट केले.